سبەی یادی شەهیدی فەرماندە عەمید (شێرکۆ فاتیح شوانی) و دوو سبەی شەهیدی فەرماندە لیوا (حسێن مەنسور) و رۆژی دواتر یادی شەهیدانی (یەکی شوبات) دەکەینەو

سبەی یادی شەهیدی فەرماندە عەمید (شێرکۆ فاتیح شوانی) و دوو سبەی شەهیدی فەرماندە لیوا (حسێن مەنسور) و رۆژی دواتر یادی شەهیدانی (یەکی شوبات) دەکەینەوە...

سەروەری و شانازیی ئەو سەرکەوتنە گەورانەی، کە بەسەر تیرۆریستان و داعشدا بەدەستهاتوون بۆ کەسوکارە سەربەرزەکانییان، لە ناویشیاندا بۆ فەرماندە جوامێرەکانی وەک (عەمید شێرکۆ فاتیح شوانی) و (لیوا حسێن مەنسور) و هاوڕێ و هاوسەنگەرەکانیان، کە بە ئازایەتیی و قارەمانێتیی خۆیان، بوونە ڕەمزی بەرەنگاربوونەوەی تێکشکاندنی داعش و تیرۆر، کە بەخوێنیان کەرکوک و سەرجەم پێکهاتەکانیان پاراست!..

مێژوومان هێندە زێڕین و گەشاوەیە، كە هەموو رۆژەكانی ساڵ رۆژی تێكۆشان، فیداكاری و شەهیدبەخشینە، بۆیە ئێمەی "کوڕانی کۆماندۆ" شانازی دەکەین، کە درێژە پێدەری ئەو کاروانی بەخشینەین.

یەکێتی ئەو هێزەیە، کە هەڵگری شوناسی کوردایەتی و  داکۆکیکاری مافەڕەواکانیانە، لە هەر بستە خاکێکی ئەم نیشتمانە سەروەرییەک تۆمارکرابێ بە دڵنیاییەوە یەکێتییەکان سەرمەشق و ئاڵاهەڵگری ئەو شانازییەن، قافڵەی شەهیدانی ئێمە بێ کۆتایین، مێژووی رابردوومان گەواهیدەری ئەو ڕاستیەیە.

نەک ئەمڕۆ و سبەی هەموو رۆژێک بە شکۆوە یادی شەهیدانمان دەکەینەوە و بەردەوام ئیلهام لە نەبەردییەکانیان وەردەگرین، رۆحی شەهیدانمان شاد و ئاسودە و کاروانی خەباتیان بەردەوام...

هەر شەکاوە بێت ئاڵای پیرۆزی کوردستان...